પાલક પનીર ની રેસીપી બનાવવા માટે કઈ કઈ વસ્તુ જોશે.
- ૧૦ કપ સમારેલી પાલક
- ૧-૧/૨ કપ પનીર ના ટુકડા
- ૨ ટેબલસ્પૂન તેલ
- ૩/૪ કપ ઝીણા સમારેલા કાંદા
- ૪ લસણની કળી , ખમણેલી
- આદુનોટુકડો , ખમણેલું
- ૨ લીલા મરચાં , ઝીણા સમારેલા
- ૧/૨ ટીસ્પૂન હળદર
- ૩/૪ કપ તાજા ટમેટાનું પલ્પ
- મીઠું, સ્વાદાનુસાર
- ૧ ટીસ્પૂન પંજાબી ગરમ મસાલો
- ૨ ટેબલસ્પૂન તાજું ક્રીમ
પાલક પનીર બનાવવાની રીત.
પાલક પનીર ની રેસીપી બનાવવા માટે, પાલકને ઉકળતા પાણીમાં ૨ થી ૩ મિનિટ સુધી અર્ધ-ઉકાળી લો.તે પછી તેને ઠંડા પાણીમાં નાંખીને તાજી કરી લીધા પછી ઠંડી થવા થોડો સમય બાજુ પર રાખો.હવે આ પાલકને મિક્સરમાં ફેરવી સુંવાળી પ્યુરી બનાવી બાજુ પર રાખો.એક કઢાઇમાં તેલ ગરમ કરી તેમાં કાંદા મેળવી મધ્યમ તાપ પર કાંદા અર્ધપારદર્શક થાય ત્યાં સુધી સાંતળી લો.તે પછી તેમાં લસણ, આદૂ, લીલા મરચાં અને હળદર મેળવી મધ્યમ તાપ પર ૧ થી ૨ મિનિટ સુધી સાંતળી લો.તે પછી તેમાં ટમેટાનું પલ્પ ઉમેરી મિશ્રણમાંથી તેલ છુટું પડે ત્યાં સુધી સતત હલાવતા રહી સાંતળી લો.તે પછી તેમાં પાલકની પ્યુરી અને ૨ ટેબલસ્પૂન પાણી મેળવી સારી રીતે મિક્સ કરી મધ્યમ તાપ પર ૨ મિનિટ સુધી રાંધી લો.તે પછી તેમાં મીઠું, પંજાબી ગરમ મસાલો અને તાજું ક્રીમ મેળવી સારી રીતે મિક્સ કરી લો.છેલ્લે તેમાં પનીર મેળવી હળવે હાથે મિક્સ કરી મધ્યમ તાપ પર ૧ થી ૨ મિનિટ સુધી રાંધી લો.પાલક પનીર નાન અથવા પરાઠા સાથે તરત જ પીરસો.
